Tagalog news: 37 kabataan, benipisaryo ng proyektong pangkabuhayan
By Carlo P. Gonzaga
Monday 20th of May 2013
PAGBILAO,
Quezon, Mayo 20 (PIA) -- May 37 kabataan na miyembro ng dalawang 4H club mula
sa dalawang barangay sa bayang ito ang nakatakdang maging benepisaryo ng
proyektong pangkabuhayan ng Agricultural Training Institute (ATI) 4A.
Sinabi ni Mariel Celesta C. Dayanghirang ng ATI-4A kasama si Lizbeth David na sila ay nagtungo kamakailan sa Barangay Bukal at Barangay Sta. Ana upang tignan kung totoo ang dalawang project proposals na isinumite sa kanilang tanggapan ng dalawang 4H club.
Ang proyektong pangkabuhayan ay kinabibilangan ng pagpapataba ng baka para sa mga miyembro ng 4H club ng Barangay Bukal habang "school-based oyster mushroom production" naman ang ipinasang proyektong pangkabuhayan ng mga miyembro ng 4H club ng Barangay Sta. Ana.
Ayon kay Dayanghirang, bawat proyekto ay nagkakahalaga ng P50,000 kung saan hindi lamang ang mga estudyante ang makikinabang kundi maging ang eskuwelahan na pinag-aaralan ng mga ito.
“Ang pagkakaloob ng proyektong pangkabuhayan sa mga 4H club ay isang regular na programa ng ATI-4A. Bawat 4H club sa buong Calabarzon na nagsusumite sa amin ng project proposal at kapag napili base sa evaluation ay saka ipinagkakaloob ang pondo,” ayon pa kay Dayanghirang.
Idinagdag pa ni Dayanghirang na ang pondong ipinagkakaloob ng ATI-4A ay depende sa iminungkahing proyekto na isinusumite sa kanila ng 4H club, kung saan ito ay mula P50,000 hanggang P100,000. (CPG, PIA4A at ulat kay Mariel Celeste C. Dayanghirang, ATI4A)
Sinabi ni Mariel Celesta C. Dayanghirang ng ATI-4A kasama si Lizbeth David na sila ay nagtungo kamakailan sa Barangay Bukal at Barangay Sta. Ana upang tignan kung totoo ang dalawang project proposals na isinumite sa kanilang tanggapan ng dalawang 4H club.
Ang proyektong pangkabuhayan ay kinabibilangan ng pagpapataba ng baka para sa mga miyembro ng 4H club ng Barangay Bukal habang "school-based oyster mushroom production" naman ang ipinasang proyektong pangkabuhayan ng mga miyembro ng 4H club ng Barangay Sta. Ana.
Ayon kay Dayanghirang, bawat proyekto ay nagkakahalaga ng P50,000 kung saan hindi lamang ang mga estudyante ang makikinabang kundi maging ang eskuwelahan na pinag-aaralan ng mga ito.
“Ang pagkakaloob ng proyektong pangkabuhayan sa mga 4H club ay isang regular na programa ng ATI-4A. Bawat 4H club sa buong Calabarzon na nagsusumite sa amin ng project proposal at kapag napili base sa evaluation ay saka ipinagkakaloob ang pondo,” ayon pa kay Dayanghirang.
Idinagdag pa ni Dayanghirang na ang pondong ipinagkakaloob ng ATI-4A ay depende sa iminungkahing proyekto na isinusumite sa kanila ng 4H club, kung saan ito ay mula P50,000 hanggang P100,000. (CPG, PIA4A at ulat kay Mariel Celeste C. Dayanghirang, ATI4A)
No comments:
Post a Comment