1.  Tagalog news: Emergency response team ng Quezon, tutulong sa mga biktima ng bagyo sa Bacoor

By: Ruel M. Orinday

Tuesday 20th of August 2013

LUNGSOD NG LUCENA, Quezon, Agost 20 (PIA)--Ang emergency response team ng Provincial Disaster Risk duction and Management Council (PDRRMC) ng Quezon ay nakatakdang magtungo ngayon sa Bacoor, Cavite upang magsagawa ng rescue operation sa mga pamilyang naging biktima ng pagbaha dulot ng habagat.

Sinabi ni Dr. Henry Buzar ng PDRRMC-Quezon na maraming pamilya ang naapektuhan ng pagbaha sa Bacoor kung kaya’t  nagpasiya ang PDRRMC-Quezon na magpadala ng rescue team sa nasabing lugar upang matulungan mailigtas ang mga taong biktima ng kalamidad.

Ang emergency rescue team na may kasanayan sa paglilgtas ng buhay lalo kapag may nangyayaring kalamidad sa Quezon  ay may mga dalang life vest, lubid at iba pang mga kagamitan sa pagliligtas ng buhay.

Samantala, sinabi rin ni Buzar na hindi naman direktang naapektuhan ng habagat ang lalawigan ng Quezon.

Aniya, wala ring mga ulat ng biktima ng pagbaha sa lalawigan sa kabila ng nangyaring malimit na pag-ulan nitong mga nakaraang araw. (RMO, PIA-Quezon)