PIA | Tagalog news: Medical at laboratory equipment, ipinagkaloob sa ilang pampublikong ospital sa Quezon

PIA | Tagalog news: Medical at laboratory equipment, ipinagkaloob sa ilang pampublikong ospital sa Quezon

Tagalog news: Medical at laboratory equipment, ipinagkaloob sa ilang pampublikong ospital sa Quezon

By: Ruel M. Orinday

Thursday 5th of December 2013

LUNGSOD NG LUCENA, Quezon, Dis. 5 (PIA) –Pinagkalooban ng mga iba’t ibang medical at laboratory equipment ang ilang public hospitals sa lalawigan ng Quezon na pinondohan ng Mauban at Pagbilao Coal Fired Power Plant alinsunod sa Energy Act of 1993.

Sinabi ni Quezon Gov. David C. Suarez na unang tulong pa lamang ito sa mga pampublikong pagamutan sa lalawigan mula sa Department of Energy (DoE). Pinangunahan ng gobernador ang turn-over ng mga kagamitan na idinaos sa Quezon medical center annex lobby kahapon, Disyembre 4.

Ang mga ospital na pinagkalooban ng mga medical at laboratory equipment ay ang Alabat Island district hospital, Quezon Bondoc Peninsula district hospital sa Catanauan, Claro M. Recto memorial district hospital sa Infanta, Dona Marta memorial district hospital sa Atimonan, Gumaca district hospital, Magsaysay memorial district hospital sa Lopez, Maria L. Eleazar memorial district hospital sa Tagkawayan, at Quezon medical center sa Lucena City.

Ilan sa mga kagamitang ipinamahagi ay ang mga sumusunod: standby at desk/wall type sphygmomanometer; oxygen gauge with humidifier, ECG machine; single channel digital electrocardiograph; Huntleigh Doppler FDI; fetal heart display; Beam mechanical medical scales; heavy duty suction machine; pulse oximeter; heavy duty nebulizer;  reagent refrigerator; cautery machine; semi-automated chemistry analyser; Detecto weighing scales; foreign body extractor for adult;  foreign body extractor for pedia; CT Scan developer INEO multi-function paper printer;  at double wall infant incubator.  

Sa naturang okasyon, inihayag ng gobernador na malapit nang magbukas ang Claro M. Recto district hospital sa Infanta na magbibigay ng serbisyong medikal sa mga residenteng nasa bahagi ng REINA area.

Ang pagpapatayo ng mga district hospitals ay naglalayong matulungan ang mga mamamayan ng lalawigan ng Quezon sa aspeto ng kalusugan. (Quezon PIO/RMO, PIA-Quezon)

- See more at: http://news.pia.gov.ph/index.php?article=701386230679#sthash.V6HMDx52.dpuf